Sportsnet ēkwa APTN wītahpisohtawak ta cikāstēpayitācik māci nistam nēhiyaw-pīkiskwēwin NHL cikāstēpayicikēwin, niska pīsim akimihci niso mitanow nēwosāp

by pmnationtalk on March 14, 201933 Views

Sportsnet ēkwa APTN wītahpisohtawak ta cikāstēpayitācik māci nistam nēhiyaw-pīkiskwēwin NHL cikāstēpayicikēwin, niska pīsim akimihci niso mitanow nēwosāp

– ōma kāwī mistēhtākwahk cikāstēpayicikēwin ē wī ispayik osci Rogers Hometown Hockey nakēwin ēkota ēnoch nēhiyaw askiy, Alta.
– Clarence Iron, “pēyak opīkiskwēstamākēw osci sōniskwātahikēwin” NHL alum John Chabot ēkwa Juno Award otahiwēw Earl Wood osihtāwak APTN’s NHL wihtamākēwin pīkiskwēwiyiniwak
– kā ispayik osci Montreal Canadians kā mōnihwācik Carolina Hurricanes ta wāpahtamihk ēkota APTN tipahikan ispayiki tēpakohp kā tipiskāk. ET/ nēwo tipahikan. PT

niska pīsim nēwosāp, 2019 Toronto, Ont.- ē osihtācik ē mistēhtākwahk Canadian cikāstēpayicikan ispayihowin, Sportsnet ēkwa APTN wītahpisōnitowak ta cikāstēpayihtācik anima māci nistam NHL mōniyohtowin ta nēhiyawēhk. Anima māci nistam cikāstēpayicikēwin ta wāpahcikātēw ayimihāwi kīsikāki, niska pīsim nīsomitanaw nēwosāp akimihci, ēyikoni Montreal Canadians nakiskawātwāw Carolina Hurricanes ēkotī Rogers Hometown sōniskwātahikēwin nēhiyawēwin ēkota APTN tēpakohp tipahikan tipiskāki ET/ nēwo tipahikan pōni āpihtākīsikāki. PT

ē wītahpisohtahkik Sportsnets cikāstēpayiciwēwin, APTN- ēyakwa māci nistam misawē askiy iyiniw cikāstēpayicikēwin misawē okāwiymāw askīhk- ta cikāstēpayihtāwak ēyakwa wāpahcikan kahkiyaw ē wī nēhiyawēhk pokwâwiyak ta wāpahtahkik misawē askīhk. Pīkiskwēstamākēw Clarence Iron ta wihtam pokīkway kā ahkami mōniyohtohk osci APTN, ēkwa Juno Award otahiwēw kitohcikēw Earl Wood ta pimipayihtāwak kinawāpahcikēwin mīna NHL Alum, John Chabot.
“mitoni nimiywihtīnān ta wītahpisomāyahkik APTN ōma cikāstēpayikēwin,” itwēw Rob Corte, Vice president, Sportsnet ēkwa NHL production. “ ē nohtē māmawipitācik Canadians osci mōniyohtowinihk kā sākihtācik, niyanān ēkota Sportsnet kiskēhtīnān ēkohk ē sākihtāhk sōniskwātahikēwin. mitoni nicihkēhtēnān ta wītapsōmāyahkik APTN ta wihtamāhk kā kanātahk iyiniw askiya ēkwa kā sākihtāhk sōniskwātahikēwin kā māmawipitokoyahk.
mihcēt kā nēhiyawēcik wī kinwāpahtamwak anima NHL anima māci nistam cikāstēpayicikēwin ēkota APTN kwayisk ta wāpahcikātēw Rogers Hometown sōniskwātahikēwin ēkota Enoch nēhiyaw askiy, Alta. ēkota Ron Maclean ēkwa Tara Slone ta cikāstēpayihtāwak pēyakwan mōniyohtowin Sportsnet. Enoch nēhiyaw askiy astēw ēkota kihci tipahamātowin askiy tāwāyihk Alberta, sisonēhk pahkisimōtāhk Edmonton.
“ōma oski atoskēwin ta wīhcīkonān ta cikāstēpayihtāyāhk sōniskwātahikēwin osci kahkiyaw kā kinwāpahtahkik APTN nēhiyawēwinihk,” itwēw Jean La Rose, kihci pimipayihcikēw osci APTN. “ōma itōtamowin sihtoskamihk osci UNESCO’s 2019 kā isīkātamihk iyiniw pīkiskwēwin askiy. nisihtoskēnān ēyakwa wihtamākēwin ēkwa mīna kiyāpic nitatoskawānānak iyiniwak ēkwa ē atoskātamāhk māmiyo itōtātowin.”

“kā kanātahk ayisiniwak mistahi sākihtāwak sōniskwātahikēwin ē māmawi kinwāpahtahkik kiyām āta pītosi ayisiniwak ahpō pītosi tahtopiponēwak,” itwēw David Proper, nīso kihci pimipayihcikēw, Media ēkwa International Strategy, NHL. Sportsnet anima takahki atoskēwikamik ēkwa ahkami wihtamok ōma cikāstēpayicikēwin NHL ēsi kahkiyaw kanātahk ayisiniwak nanātosk ēsi, kā ēsi wāpahtamihk NHL nēhiyaw pikiskwēwinihk . anima NHL cihkēstamowēwak Sportsnet ēkwa APTN osci ōma kā mistēhtakwahk wītahpisowin, mistahi kā kanātahk askīhk iyiniwak ēkwa ayisiniwak ka cihkēstamok ōma sōniskwātahikēwin.”

Clarence Iron wīkōw Pinehouse, Saskatchewan, ēta kā atoskēt CFNK 89.9 ēkota kā nēhiyawēt tahto kīsikāw. pokwēti kiskēyimāw Iron ē nihtā wihtamākiyit sōniskwātahikēwinihk, ē sīkātiht “sōniskwātahikēwin opikiskwēstamākēw”.

kī ōtinikōw nēwomitanaw Montreal Canadians ēkospī 1980, John Chabot mētawēw ayinānēw pipona ēkota NHL ēkwa mētawēw ayiwak niyānan mitātahtomitanow ē mētawēmāt Montreal, Pittsburgh, ēkwa Detroit, asamīna mētawēw pēyakosāp pipona akāmaskīhk Europe. kā kēsihtāt sōniskwātahikēwin, Chabot nitaw māci kiskinwahamākēw ēkota Quebec Major sōniskwātahikēwin mōniyohtowin pwāmayisk nīso pipona kā kiskinwahamāket osci New York Islanders osci 2007-2009. Chabot atoskēw ēkota 2010 pipon kihci mōniyohtowina osci APTN ēkwa mīna okiskinwahamākēw ēkota APTN’s sōniskwātahikēwin cikāstēpayicikan, pakama miskwamī.

paspēwiyiniw osci kwatakihkawi kiskinwahamātowikamikwa ēkwa mina 60’s kā ōtinihcik, Earl Woods onihcikiskwapiwinihk sākahikan, Alta., ohcēw ēkwa mina wiya pēyak kā mācipitahkik kīwītonihk nēhiyaw nikamowīyiniwak. ē wīhihcik tāskoc anihi “iyiniw tihtipīwi asiniyak.” anihi kīwītinohk nēhiyaw nikamowīyiniwak anihi Juno otahiwēwak nikamowak ēkwa mīna nikotwāsik ē masinahohcik osci Grammy Awards.

ōma kā akamiht niska pīsim kā wī cikāstēpayihtācik ōta kā kanātakhk askīhk nēhiyaw pīkiskwēwinihk NHL, Sportsnet mīna osihtāwak cikāstēpayicikana osci sōniskwātahikēwin tipiskāw ōta kā kanātahk askiy: Punjabi pīkiskwēwin ēkwa sīpihkwāwi kwīhkwīsīw: Pinoy pīkiskwēwin ēkota ONMI cikāstēpayicikēwin. Sportsnet’s kotakwa cikāstēpayicikēwin, OMNI cikāstēpayicikēwin, kiskinwahamākēwa mistahi wāpahcikēwina osci askihk ēkwa mīna kotakwa nīsomitanaw pīkiskwewina, ēkwa ācimowina, kīkwaya kā ispayiki ēkwa mētawēwina kā kinwāpahtamihk.

ōma wītahpisowin kāwi mōniyohtowina APTN ka wāpahcikātēwa, mistahi ē pē wāpahcikātēki. APTN ēyakwa iyiniw cikāstēpayihtācik kihci mōniyohtowin ēkotī Vancouver 2010 kā akamiht askiy, ē cikāstēpayihtācik niyānanosāp tipahikana tahto kīsikāw ē pīkiskwēcik ayinānēw iyiniw pīkiskwēwina ayahk mīni mistikōsīmowin ēkwa akayāsīmowin.

-30-

Sportsnet mahtāwi apacihcikani kinwāpahcikanihk
mahtāwi apacihcikanihk masinahikan, Sportsnet sportsnet.ca
Like Sportsnet Facebook.com/Sportsnet
Follow Sportsnet on Twitter @Sportsnet
Follow Sportsnet on Instagram @Sportsnet
Follow Sportsnet PR @SportsnetPR

APTN mahtāwi apacihcikanihk kinwāpahcikanihk
mahtāwi apacihcikanihk masinahikan, APTN aptn.ca
mahtāwi apacihcikanihk masinahikan, Rogers Hometown sōniskwātahikēwin nēhiyawēwin aptn.ca/hockey
Like APTN Facebook.com/aptntv
Follow APTN on Twitter @APTN
Follow APTN on Instagram @aptn_ca

kīkway anima Sportsnet
Sportsnet anima kā kanātahk askīhk # pēyak mōniyohtowinihk atāwēwin. māmawipitācik ayisīniwa osci mōniyohtowinihk, sportsnet’s nātohk itōtamākēwina anihi Sportsnet (nēwo kinwāpahcikana: sākāstēnohk, Ontario, pahkisimōtāhk, ēkwa Pacific) Sportsnet Pēyak, Sportsnet 360, Sportsnet askiy, anima Sportsnet nitohtamowin atoskēwin, Sportsnet.ca, Sportsnet mēkwāc, anima Sportnet app ēkwa podcast, Sportsnet anima NHL kā kanawēhtahkik ēkwa kotakihk wihtamākēwina osci Vancouver Canucks, Calgary Flames, Edmonton Oilers ēkwa Toronto Maple Leafs, Sportsnet asici wihtamākēwak anihi Blue Jays, mīna NBA, MLB, Grand Slam of Curling, Rogers Cup, CHL, IndyCar, WWE, Premier League ēkwa FA Cup. Sportsnet anima mīna Rogers Media, anima mina Rogers Communications Inc. (TSX, NYSE: RCI)

kīkway anima APTN
APTN mācipayin 1999, ēyakwa māci nistam iyiniw wihtamākēwin misawi askihk, osihtācik nātohk iyiniw ācimowina. ē kihcihtākwahk wihtamākēwin ēyakwa poko ē pēyakwahk ōta miskināhk ministikohk. anima cikāstēpayicikēwin ē pahkwēnamākēcik kitācimowinowa tāpwēwinihk akayāsīmowinihk, mistikōsīmowinihk, ēkwa mina pītos iyiniw pīkiskwēwina ēsi 11 million kanātahk askiy wāpahcikēwak. ayiwāk ayinānēw mitanaw kanātahk askiy ācimowina, APTN kwayisk wihtamok nanātohki ācimowina pokwētēsi.

kîspin ayiwāk kiskihtētamowin osci Sportsnet ahpō Rogers Hometown sōniskwātahikēwin nēhiyawēwin, mahti kahcipis:
Sarah Grossman
sarah.grossman@rci.rogers.com
(416) 509-9694

Meghann Cox
meghann.cox@rci.rogers.com
(416) 258-3296
kîspin ayiwāk kiskihtētamowin osci APTN ahpō Rogers Hometown sōniskwātahikēwin nēhiyawēwin, mahti kahcipis:
Jacqueline Jubinville
Manager of Communications, APTN
(204) 947-9331 ext. 339
jjubinville@aptn.ca

Emili Bellefleur
Communications Coordinator, APTN
(514) 544-6124 ext. 227
ebellefleur@aptn.ca

NT5

Send To Friend Email Print Story

Comments are closed.

NationTalk Partners & Sponsors Learn More